Жұлдыздар өмірі
25-го июня 2024 г. 11:11
Дариға Бадықова кім соншама?
Балауса ЖАҚСЫБАЙ
Көпшілікке «Келінжан» сериалындағы Айсара есімімен танымал Дариға Бадықова жеке басын жарнамалауын тоқтатар емес, деп хабарлайды KazFace.kz.
Актриса 1985 жылы 1 желтоқсанда Жамбыл облысы, Мойынқұм ауылында туылған. Т.Жүргенов атындағы Қазақ Ұлттық Өнер академиясының "Музыкалық драма және режиссура" мамандығы бойынша тәмамдаған. Тұрмыс құрған. Жолдасы Мұсаев Дархан өнер жолындағы азамат.
Өнер иесі «Таптым ау сені» атты төл туынды фильмі жарық көргелі әріптесі Олжас Абаймен бірге халық алдында көп көрінді. Әлеуметтік желі бетінен түспей, жарқ жұрқ еткен екеуін халық біраз сынады. «Жұбайы Дариғаны қалай қызғанбайды», «екеуі бірге ме?» , деген пікірлер тарады.
Фильм саунтрегіндегі «Сезім үшін» әнін де өздері шырқады. Ән тойлардың сәніне айналды деуге болады. Сол тойлардың бірінде Дариға Бадықова мен Олжас Абай оққағарларын ертіп барған. Той тойлатқан халықты өздеріне жақындатпай, ән айтқаннан кейін фотоға түспестен шығып кеткен. Бұл ерсі қылықтары әлеуметтік желі беттеріне тарап, халықтың наразылығын тудырды.
«Тіпті Димаш бұлай жүрмейді», «Жұлдыз ауруы деген осы шығар», «біреу микрофонды тартып алып фонограмасы өздерінен озып кетеді деп қорқып жүргенда», «Не масқара», «Халықпен бірге болу керек қой», - деді оқырмандар жазба астында.
Бұл аз десеңіз. Актриса «Мен құдайдың қызымын» , - деп жазба қалдырып, тағы халықтың назарын өзіне аударды.
"Құдай маған мүмкін емес дүниені мүмкін етеді. Менің сағымды сындыру қиынға соғады. Себебі ақыл-есім бар, Құдайдың қызымын. Бұрын "Алматыға кетемін, келмеймін" дейтінмін. Үйдегілер біртүрлі қарайтын. Сыныптастарымды "жұлдыз боламын" деп күлдіретінмін. Шүкір, Алматыда қалдым. Өнерде ойып орын алдым. Продюсер болып, тағы 1-орын алып көрсем бе деп отырмын. Елден көшіп кетпесін десеңіздер, әрине, менің орным болса, осы басталатын жобаны 3 миллиардтан асырайық. Одан асырмайтын болсақ, ренжимін. Ол қандай жоба, кім біледі? Қандай фильм екенін әзірге айтпай-ақ қояйын. Көзі өтіп кететін жандар бар екен. 3 млрд болады деп ғаламға үндеу жасаймын. Бұл фильм алуы керек. Себебі бұл фильм – көрерменнің фильмі", – деп жазды Дариға желіде.
Өзіне деген халық назарын күшейту бұл актрисаның өзіндік PR әрекеті көрінеді. Оны журналистерге берген сұқбатында өзі растады. Актриса парақшасына салоннан 89 млн теңгеге алған жаңа көлігінің видеосын жариялап, тағы бір көзге түсті. Оқырмандары Дариғаға «көлікті қалай алдың?», «кім алып берді?» , - деп сұрақтың астына алды. Ол көлікті өз еңбегімен алғанын айтып ақталды.