Актөбеде ірі жол апаты бойынша үкім шықты

Актөбе облысында 7 тамызда Самара – Шымкент тас жолында  болған жол-көлік оқиғасы  салдарынан қаза тапқан сегіз адамның ісі бойынша үкім шықты, деп хабарлайды KazFace.kz.

Сол күні таңертең Toyota Ipsum жүк көлігімен соқтығысып, салдарынан Айтеке би ауданының футболшы балалары мен екі жетекші Маңғыстау облысына жарысқа бара жатқан. Көлік апатынан бес бала мен үш ересек адам қаза тапты. Барлығы Toyota Ipsum автокөлігінің ішінде болған.

Сот жол-көлік оқиғасын жүк көлігінің жүргізушісі жасағанын анықтады. Ол жол қозғалысы ережелерін бұзып, қарсы бағыттағы жолаққа шыққан.

«Сот үкім шығарғанда, айыпталушының адал өкінуін және жас балаларының бар екенін жеңілдететін жағдай ретінде ескерді. Ал қылмыстың ауырлататын мән-жайлары анықталған жоқ», – деп хабарлады баспасөз қызметі.

Жүк көлігінің жүргізушісіне бес жыл бас бостандығынан айыру жазасы тағайындалды. Сонымен қатар, ол жеті жыл бойы көлік жүргізу құқығынан айырылды. Жәбірленушілердің азаматтық талаптары ішінара қанағаттандырылды.