Әлем жаңалықтары
3-го мая 2024 г. 01:00
АҚШ-та тұңғыш қазақ балабақшасы ашылды
АҚШ-тың Калифорния штатында отандасымыз Жанна Атабекова қазақ балабақшасын ашты, деп хабарлайды KazFace.kz
Оның айтуынша, қазір Силикон алқабында тұрып жатқан және жұмыс істейтін қазақстандықтардың өскелең ұрпаққа ұлттық құндылықтарды сіңіріп, қазақ тілін үйретуге бұл білім ордасының септігі тиері анық.
«Бізге бәрі ұнады. Баламыз ата-әжесінде жүргендей», «Тілімізді сақтау үшін бұл балабақшаның маңызы зор. Кіші қызым Әсима 18 айлық. Ана тілін білгенін қалаймын», - дейді ата-ана.
Балабақшаға Қазақстаннан келген иммигранттармен қатар қырғыз және америкалық отбасылар да бара алады.