Мәжіліс депутаты Ғалымжан Елеуов өз өкілеттілігін мерзімінен бұрын тоқтатты

Дильназ МУРЗАГАЛИЕВА

ҚР Орталық сайлау комиссиясы мәжіліс депутаты Ғалымжан Елеуовтың өкілеттілігі мерзімінен бұрын тоқтатылғаны туралы хабарлады, деп жеткізеді KazFace.kz. 

Депутат орталық сайлау комиссиясына өтініш берді, бұл оның өкілеттілігін мерзімінен бұрын тоқтатуға негіз болды.

Айта кетейік, Елеуов 2021 жылдың қаңтар айынан бастап Мәжіліс депутаты болды. 

Ол 1978 жылы 10 қазанда Ақтөбеде дүниеге келген. 2001 жылы Марат Оспанов атындағы Батыс Қазақстан мемлекеттік медицина академиясын "Хирургия" мамандығы бойынша бітірген. Білімі: жоғары медициналық, жоғары заңгерлік. Медицина ғылымдарының кандидаты, қауымдастырылған профессор. Әр жылдары хирург, бірқатар медициналық орталықтардың директоры болып жұмыс істеді.

Елеуов 2016 жылдан бастап Amanat партиясының мүшесі, VIII сайланған Қазақстан Республикасы Парламенті Мәжілісінің Экономикалық реформа және өңірлік даму комитетінің мүшесі болған.