Қоғам
10-го июня 2024 г. 17:13
Баян Алагөзова атына кір келтіргендермен соттаспақшы
Балауса ЖАҚСЫБАЙ
Қазақстандық танымал продюсер және тележүргізуші Баян Алагөзова өзінің және жақындарының ар-намысы мен абыройын қорғау үшін сот көмегіне жүгінбекші, деп хабарлайды KazFace.kz.
Бұл туралы адвокат Олег Чернов өзінің Instagram парақшасында былай деп жазды.
Біздің команда Баян Алагөзованың мүддесін екі жағдайда қорғайды; қорлау фактісі бойынша және ар намыс, қадір қасиет пен іскерлік беделді қорғау бойынша. Баян бұл істі заң жүзінде қарастыруға шешім қабылдады, - деді ол.
Продюсердің нақты кіммен соттасқалы жатқаны әзірге белгісіз. Әлеуметтік желідегі оқырмандардың жазбасынан Дана Орманбаева есімді танымал кәсіпкер деп болжауға болады. Оқырмандар пікірі екіге бөлінді. Олар Баян Алагөзова өзінің абыройын қорғауға құқылы деседі. Енді бірі Дана Орманбаеваның шынымен шектен шыққандығын айтып пікір білдіруде. Оқырмандар ойына сүйенсек, Дана Орманбаева бұған дейін де өзінің әріптестері яғни журналистерге қатысты пікірін білдіріп, басы дауға қалған көрінеді.