Заңғар Нұрланұлы Барселонадағы беделді турнирдің жартылай финалына ілікті

Барселонадағы әйгілі "Emilio Sanchez Academy" академиясының корттарында  жасөспірімдер арасындағы 1 санатты  Tennis Europe  турнирі өтуде.

Турнирге 14 жасқа дейінгі 170-тен астам ұл-қыз қатысуда. Бұл турнирде бірінші болып қазақстандық Заңғар Нұрланұлы көш бастады.

Бұл Чехиядағы тарихи командалық Әлем кубогынан кейінгі алғашқы жеке турнир, онда Қазақстанның 14 жасқа дейінгі бірінші ракеткасы құрамаға әлемнің үздік 4 командасының қатарына кіруге көмектесті. Сондықтан, Заңғарға қалыпқа келіп, демалуға небәрі  3 күн ғана уақыт бөлінді және ол бірден Барселонаға осы маңызды турнирге ұшып кетті. Құрама үшін ұзақ және табанды ойындардан кейін, Заңғар Монте-Карлодағы қорытынды финалдық турнирге арналған жарыста өз позициясын жақсартуға бел байлап отыр.

Турнирдің бірінші айналымында, Заңғарға қарсылас испаниялық Хосе Игнасио Куэвас болды, ол біліктілікте ойнап, біздің спортшыға қарсы бірінші сетте де басым түсті. Бірінші жиын испаниялықтың пайдасына 6:4 болып шешілді. Алайда, Заңғар қарсыласына турнирдің сенсациясын жасауға мүмкіндік бермеді және бірден 6:1  есебімен екінші сетте сенімді жеңіске жетті. Үшінші сетте отандасымыз 6:3 есебімен басым түсіп, турнирдің екінші айналымына шықты.

Осындай қиын матчтан кейін Заңғар сенімділікке ие болып, екінші айналымда британиялық Самуэль Злотникті 6:4, 6:2 есебімен басып озды, содан кейін 1/8 финалда Украинадан келген турнирдің 16-ракеткасы Артем Дмитренконы 6:2, 6:2 есебімен жеңіп кетті.

Ширек финалда Заңғар турнирдің алтыншы ракеткасы, әйгілі Ресей академиясының түлегі Александр Островскийдің шәкірті ресейлік Марат Сальбиевпен ойнауы керек еді. Заңғар матчтың барлық маңызды және негізгі ұтыстарын жеңіп, сайысты 6:2, 6:2 есебімен өз  пайдасына аяқтады. Қарсылас оңай болған жоқ, өйткені ол Ресейдегі ең перспективалы ойыншылардың бірі.

Жартылай финалда біздің спортшы матчтың жеңімпазымен ойнайды, онда қазіргі уақытта Испанияның үшінші ракеткасы - Валентин Гонзалес-Галино және Грецияның бесінші ойыншысы - Андреас Мессис бақ сынасады.