ҚР қаржы мониторингі агенттігінде жаңа басшы

Балауса Жақсыбай

Мемлекет басшысының жарлығымен Жанат Элиманов ҚР қаржы мониторингі агенттігінің төрағасы болып тағайындалды, деп хабарлайды Kazface.kz.

Жанат Элиманов осы жылғы ақпаннан бастап жаңа тағайындауға дейін - Ұлттық қауіпсіздік комитеті төрағасының бірінші орынбасары қызметін атқарды.

Жаңа басшы жайлы. Ол Бөкетов атындағы Қарағанды мемлекеттік университетін және Қарағанды экономикалық университетін бітірген. Прокуратура органдарында қызмет атқарды, кейін Әділет министрлігінде басшылық лауазымдарда болған.

Экономикалық қылмысқа және сыбайлас жемқорлыққа қарсы күрес агенттігінде басшылық лауазымдарда қызмет атқарған. 2014-2017 жылдары-қаржы министрлігі мемлекеттік кірістер комитетінің жедел-іздестіру қызметі департаментінің директоры болған.

Қаржы мониторингі комитеті төрағасының орынбасары, агенттіктің төрағасы болды.