Алаяқтық жасаған қазақстандық Дубайдан экстрадицияланды

Алаяқтық жасады деген күдікпен іздеуде болған қазақстандық азамат Біріккен Араб Әмірліктерінен табылды , деп хабарлайды Kazface.kz

Ол 2022–2023 жылдары Алматыда «Wildberries» компаниясына инвестиция салғызамын деп алты адамды алдап, ақшаларын иемденген. Қылмыстан соң шетелге қашып, екі жыл бойы халықаралық іздеуде жүрген.

Биыл сәуірде БАӘ-де ұсталып, Бас прокуратураның сұрауымен Қазақстанға экстрадицияланды. Қазір ол тергеу изоляторына қамалды. Оған 3 жылдан 7 жылға дейін бас бостандығынан айыру жазасы қарастырылған.

Айта кетейік, маусым айында шетелде жасырынып жүрген тағы үш қазақстандық елге қайтарылған болатын.