Теннисші Заңғар Нұрланұлы US Open-2025 турнирінің жартылай финалына шықты

Қазақстандық жас теннисші Заңғар Нұрланұлы АҚШ-та өтіп жатқан жасөспірімдер арасындағы US Open-2025 турнирінде кезекті сенсация жасап, жартылай финалға жолдама алды, деп хабарлайды KazFace.kz.

Ширек финалда 17 жастағы спортшы ресейлік қарсыласы Тимофей Дерепаскомен кездесіп, екі сетте айқын басымдықпен жеңіске жетті — 6:2, 6:4. Айта кетейік, бұл матчтың фавориті болып саналған Дерепаско турнирге 13-ші нөмірмен тіркелген еді. Ал Нұрланұлы болса, жарысқа есеюсіз қатысқан.

Бұған дейін қазақстандық теннисші тағы екі сеяны жеңіп шыққан болатын: поляк Алана Важныны (12-нөмір) 6:4, 6:4 есебімен және фин Оскари Палданиусты (6-нөмір) 3:6, 6:1, 6:2 есебімен тізе бүктірді.

Турнирдің басты фавориті ретінде болгар спортшысы Иван Иванов аталып отыр. Дегенмен, сенсациялық жеңістерімен көзге түсіп жүрген Заңғар Нұрланұлының да финалға шығуға және басты трофей үшін таласуға мүмкіндігі зор.