Жаңалықтар

Жеңістің 80 жылдығына орай 80 бейнеролик

Жеңістің 80 жылдығына орай 80 бейнеролик

«Қазақстан»телерадиокорпорациясы Жеңістің 80 жылдығына арнап «Ержүрек есімдер» жобасын іске қосты. Бұл жоба аясында 1941-1945 жылдардағы Ұлы Отан соғысына қатысқан 80 қазақстандық батырдың ерлігі мен жауынгерлік қызметі туралы бейнероликтер түсірілді, деп хабарлайды Kazface.kz


 Әр бейнероликте батырлардың өмірі мен жеңіске қосқан үлесі көрсетіледі.

Бейнероликтер 27 наурыздан бастап «Qazaqstan» телеарнасында және аймақтық телеарналарда көрсетіле бастады, 9 мамырға дейін жалғасады.


 Жобаның мақсаты – батырларымыздың ерліктерін ұлықтап, жастарды отансүйгіштікке тәрбиелеу.


 Жоба аясында ақпараттар Ардагерлер кеңесі мен батырлардың ұрпақтарынан, сондай-ақ бірқатар кітаптардан алынды. «Ержүрек есімдер» жобасы Қазақстанның Ұлы Отан соғысындағы жеңіске қосқан үлесін насихаттауды көздейді.