Жалған полицейлер ұсталды

Өздерін полиция қызметкерімін деп таныстырып, адамдарды боспасалаған алаяқтар ұсталды. Жыл басынан бері ұйымдасқан қылмысқа қарсы күрес бөлімшелерінің қызметкерлері 14 қаскүнемді  қамады, деп хабарлайды KazFace.kz сайты Polisia.kz. сілтеме жасап.

Қараша айында Шымкентте бір топ адамдар өздерін полиция қызметкерлері ретінде көрсетіп, алдау мен бопсалау арқылы қамқорлыққа аламыз деп уәде беріп, ай сайын 1,5 млн теңгеге дейін ақшалай қаражат алған.

Дәл осындай оқиға Ақтөбеде орын алған.  Екі жас жігіт полицей болып көрініп, зорлық-зомбылық көрсетіп, қаланың екі тұрғынынан 300 мың теңге ұрлап әкеткен.

Қонаевта ұйымдасқан қылмысқа қарсы күрес басқармасының қызметкерлері Алматы облысының екі тұрғынын ұстады. Олар өздерін жедел уәкіл ретінде көрсетіп, жәбірленушіден 500 мың теңге бопсалаған.

"Айта кету керек, заманауи технологиялар алаяқтарға ықтимал құрбандар туралы әртүрлі ақпаратты оңай алуға мүмкіндік береді. Бұл олардың қылмыстық схемаларын сенімді етеді. Қылмыскерлер адамдарды манипуляциялау үшін психологиялық әдістерді қолданады. Жалған полиция қызметкерлерін ұстау – бұл қауіпсіздік мәселесі ғана емес, азаматтардың құқықтарын қорғаудың маңызды бөлігі. Азаматтардың қырағылығы мұндай қылмыстардың санын едәуір төмендетуі мүмкін. ІІМ кез келген заңсыз әрекеттер туралы полицияға дереу хабарлауды сұрайды. Бұл бағыттағы профилактикалық жұмыстар жалғасуда", – деді ІІМ ұйымдасқан қылмысқа қарсы күрес департаментінің өкілі Қуандық Алпыс.