Таразда қалалық соттың төрағасы сотталды

Жамбыл облысында қалалық соттың төрағасы Алтынбек Мадемаров жемқорлық үшін үш жылға бас бостандығынан айырылды, деп хабарлайды KazFace.kz Антикорға сілтеме жасап. 

- Тараз қаласының №2 сотының үкімімен Жамбыл облысы Тараз қалалық сотының төрағасы А. Мадемаров жемқорлық қылмыс жасағаны үшін кінәлі деп танылып, 3 жылға бас бостандығынан айырылды. Сонымен бірге ол өмір бойы мемлекеттік қызметте қызмет атқару құқығынан айрылды. Сотталушы сатып алу-сату мәмілесін және меншік құқығын жарамды деп тану туралы азаматтық іс бойынша оң шешімге жәрдемдескені үшін азаматтан алдау жолымен 1 миллион теңге мөлшерінде ақшалай қаражат алған, - деп жазылған Антикор ақпаратында. 

Еске сала кетейік, былтыр мамыр айында Мадемаров азаматтық іс бойынша оң шешім шығарамын деп алдап, пара алған болатын.