Снежанна Имашева: Преамбула Конституцияның негізгі бағдарын айқындайды

Конституциялық комиссияның екінші отырысында Қазақстан Республикасының Конституциясына өзгерістер мен толықтырулар кезең-кезеңімен талқыланды, деп хабарлайды KazFace.kz.

Мәжіліс депутаты Снежанна Имашева Преамбула мен 1–39 баптарды жүйелі түрде қарауды ұсынды.

Ұсынылған өзгертулер конституциялық құрылымды нығайтуға, нормалардың құқықтық анықтығын арттыруға және құқық қорғау механизмдерін күшейтуге бағытталған. Преамбуланың мән-мағынасы мен қазіргі әлеуметтік үрдістерді ескере отырып, конституциялық нормаларды жаңарту қажеттілігі ерекше атап өтілді.

«Преамбула — Негізгі заңның идеялық-моральдық өзегі, мемлекеттің даму бағытын белгілейтін негізгі бағдар», — деді Снежанна Имашева.

Отырыста құқықтық және зайырлы мемлекет принциптері, адам құқықтары, жеке өмір мен деректерді қорғау, адами капитал, білім мен ғылым, әлеуметтік кепілдіктер және қоршаған ортаны сақтау мәселелері талқыланды. Өзгерістер конституциялық нормаларды түсіндіру мен қолдануды біртұтас етуге бағытталады.