Семейде мектеп оқушысын соққыға жыққан

Балауса ЖАҚСЫБАЙ

Семейде кәмелетке толмағандардың құқықтарын қорғау комиссиясының отырысы өтті, онда мектеп оқушысын соққыға жыққан оқиға қаралды, деп хабарлайды KazFace.kz.

Абай облысы полиция департаментінің мәліметінше, барлық қатысушылар арнайы мектепке жіберіледі, онда олармен психологтар жұмыс істеп, түзету шаралары жүргізіледі.

«Отбасының жағдайына ерекше көңіл бөлінді. Үш ата-ананың атаулы құқықтары алынуы, сондай-ақ екі балаға қатысты қамқоршылық тоқтатылды», – деді Абай облысы полиция департаменті бастығының орынбасары, полиция полковнигі Ернар Базаров.

Полиция департаменті бұл іс бойынша материалдарды сотқа жібергенін хабарлады.

Еске салсақ, әлеуметтік желілерде  жасөспірімдердің бір баланы аяусыз соққыға жыққан видеосы тараған болатын. Олар баланы теуіп, үстінен секіріп, бұл әрекеттерін видеоға түсірген. Зардап шеккен бала қазір мамандар бақылауындағы арнайы орталықта жатыр.