Шавкат Мирзиёев Өзбекстан президенті атанды

Шавкат Мирзиёев Өзбекстандағы президенттік сайлауда жеңіске жетті, деп хабарлайды KazFace.kz

Президенттік сайлау Өзбекстанда 9 шілдеде өтті. Мемлекеттік ОСК мәліметінше, сағат 17:00-дегі жағдай бойынша сайлауға 69,85% халық қатысқан. 13 млн 459 мың 677 адам дауыс берген.

Жалпы президенттікке 4 үміткер болды. ОСК деректеріне сәйкес дауыс беру қорытындысы келесідей болды:

Улугбек Иноятов – 4,02%

Шавкат Мирзиёев – 87,05% 

Робахон Махмудова – 4,43%

Абдушукур Хамзаев – 3,74%

Осылайша, президенттікке үміткерлердің ішінен Шавкат Мирзиёев – 87,05% пайыз дауыспен жеңіске жетті. 

Еліміздің президенті Қасым-Жомарт Тоқаев Шавкат Мирзиеевті Өзбекстан Республикасының президенті атануымен және сайлауда жеткен жеңісімен құттықтады. 

Сондай-ақ мемлекет басшысы дауыс беру қорытындысы елді орнықты дамытуға, оның тұрақтылығы мен өркендеуін қамтамасыз етуге бағытталған Өзбекстан президенті ұстанымының жалпыхалықтық қолдауға ие болғанын айқын көрсетеді деп атап өтті. 

Өзбекстан заңнамасына сәйкес кемінде халықтың 33%-ы сайлауға қатысса, 

Президенттік сайлау өткізілді деп саналады. 

Президенттік сайлауда жеңіске жету үшін үміткер халықтың 50%-дан көп дауысын жинауы керек.

Айта кетейік, бұл Өзбекстан тарихындағы мерзімінен бұрын өткізілген бірінші президенттік сайлау.