Руслан Жақсылықов: «Фейк жаңалық таратқандарды соттаймын»

Қорғаныс министрлігінің экс басшысы Руслан Жақсылықов әлеуметтік желілерде ұсталды деген ақпараттың шындыққа жанаспайтынын мәлімдеді, деп хабарлайды KazFace.kz.

Tengrinews.kz тілшісіне берген сұхбатында Жақсылықов Астанадағы үйінде екенін және дәл қазір отбасымен бірге түскі ас ішуге дайындалып жатқанын айтты.

«Бұл – жалған. Мен ешқайда кетпедім, үйдемін, демалыстамын, — деді ол бейнебайланыс арқылы сөйлесу барысында.

Экс-министр жалған ақпарат таратқандарды сотқа беретінін де ескертті.

«Мұндай жалған хабарламалар қоғамда дүрбелең тудырып, адамдарды адастырады. Менің атымды пайдаланып, фейк таратқандардың заң алдында жауап беруін талап етемін, — деді Руслан Жақсылықов.