Қазақстанда 38 градусқа дейін аяз болады

Қазақстанда ауа температурасының күрт төмендеуіне байланысты бірқатар өңірлерде оқушылар онлайн оқиды, деп хабарлайды KazFace.kz.

Білім басқармасының мәліметінше, Қостанай, Ақтау, Астана және солтүстік пен шығыс өңірлерінде сабақ қашықтықтан өтеді.

Синоптиктер үскірік аяз бір аптаға созылатынын айтады. Ауа температурасы 38 градусқа дейін төмендейді. 

Айта кету керек, метеорологтар бұған дейін де ауа райының бұзылатынын хабарлаған болатын. Олар суық антициклонның басып кіруімен жауын-шашынның тоқтауы және ауа температурасының күрт төмендеуіне байланысты кейбір өңірлерде көктайғақ болатынын ескертеді. Осыған байланысты республикалық маңызы бар автожолдарда жол қозғалысына уақытша шектеу енгізіледі.