Қостанайда салынып бітпеген жағалау бұзылып жатыр

Қостанайда 2 миллиард теңгеге салынып бітпеген набережная қыс мезгілінен кейін жөндеуді қажет етуде. Жергілікті тұрғындар құрылыс сапасына көңілі толмайтындарын айтып, алаңдаушылық білдірді, деп хабарлайды KazFace.kz.

Набережная бойындағы брусчатка шөгіп, кей жерлерде кірпіштер құлай бастаған. Тұрғындардың айтуынша, құрылыс сапасыз жүргізілген.

"Набережнаяның түрі ескі ғимарат сияқты. Брусчатка шөгіп, қабырғалар үгітіліп жатыр. Алда жаз келе жатыр, адамдар осында серуендейді, бірақ жағдайы осындай болса, қалай демалады?" – дейді қала тұрғыны Есения Карпухина.

Қостанай қалалық ТКШ бөлімінің мәліметінше, алматылық мердігер нысанды 2024 жылдың қарашасында тапсыруы тиіс болған. Құрылыстың жалпы құны – 2 миллиард 13 миллион теңге, оған 12 балалар және спорт алаңы да кіреді.

"Брусчатка төсеу жұмыстары қыс мезгілінде жүргізілді. Көктемде күн жылынғанда, оның кейбір бөліктері шөге бастады. Бұл жалпы аумақтың 10 пайызын құрайды. Қазір мердігерге барлық ақауларды бір ай ішінде жою тапсырылды", – деді Қостанай қалалық ТКШ бөлімінің өкілі Нұрдәулет Бейсенов.

Ресми мәліметке сәйкес, Притобольск саябағындағы набережнаяның құрылысы 95 пайызға аяқталған. Нысанның кепілдік мерзімі 3 жыл, ал болашақта саябақты абаттандыру, жарықтандыру және суару жүйесін орнату басқа мердігерге тапсырылмақ.