"Майқайың" кен орнында құтқарушының денесі табылды
!["Майқайың" кен орнында құтқарушының денесі табылды](https://kazface.kz/storage/media/files/44vi1OHT09GrWgMix1E4x8O3uOyYZuUsNHoSxLqG.jpg)
Балауса ЖАҚСЫБАЙ
Осы жылдың қаңтарында "Майқайың”алтын кенішінде қаза тапқан құтқарушының денесі табылды, деп хабарлайды KazFace.kz.
Төтенше жағдайлар департаменті баспасөз қызметі хабарлағандай, құтқарушының мәйіті 70 метр тереңдіктен табылған.
«Авариялық-құтқару жұмыстарын жүргізу орнына Павлодар облысы ТЖД құтқарушылары келді, олар "КӘАҚҚ РО" ЖШС-мен бірлесіп денені бетіне көтеріп, жедел-тергеу тобына тапсырды. Марқұмның туыстарына психологиялық көмек көрсету үшін оқиға орнына ТЖД психологы да келді»,- дейді мамандар.
Естеріңізге сала кетейік, 4 қаңтарға қараған түні Майқайың кенішінің жанында төрт маманы бар автобус шұңқырға құлаған. Ол кезде тек екеуінің денесі табылған еді. 5 ақпанда қалған екеуін іздеу жұмысы құлау қаупі жоғары болғандықтан тоқтатылды. Айдос Шаймерден-денесі табылған төрт апат құрбанының үшіншісі. Төртінші адамның денесі осы уақытқа дейін табылған жоқ.