"Халықаралық бағдарламалар орталығы" АҚ басқармасында жаңа төраға

"Халықаралық бағдарламалар орталығы" АҚ басқарма төрағасы болып   "Экономикалық зерттеулер институты" АҚ басқарма төрағасының бұрынғы орынбасары Әділ Құсманов тағайындалды, деп хабарлайды KazFace.kz

Әділ Миратұлы Құсманов-Қазақстаннан Оксфорд университетінің математика институтының бірінші түлегі. Ол 1994 жылы Шығыс Қазақстан облысында дүниеге келген. Назарбаев 
университетінің  «жыл студенті — 2016" атағының иегері. Сонымен қатар, Әділ Миратұлы "NU Alumni" ҚБ (Назарбаев Университеті түлектерінің қауымдастығы) негізін қалаушылардың бірі және кеңесінің төрағасы болып табылады.

Жаңа төраға жалпыхалықтық прогресс индексі әдістемесін және Қазақстан Республикасы мемлекеттік органдарының нәтижелілігіне жыл сайынғы бағалау жүргізу әдістемесін негізгі әзірлеушілердің бірі болып табылады.

Математика, экономика және стратегиялық жоспарлау саласында талдамалық және ғылыми зерттеулер жүргізуде жұмыс тәжірибесі бар, салымшылардың өздерінің зейнетақы жинақтарының бір бөлігін пайдалануы бөлігінде Қазақстан Республикасының зейнетақы жүйесін реформалаумен байланысты өзекті модельді негізгі әзірлеушілердің бірі.

Әділ Құсманов кәсіби қызметінен басқа "КАЗГЮУ" АҚ-да "Экономикадағы Математика" пәнінен сабақ береді, Нұрсұлтан Назарбаев Қоры мен Қазақстан Республикасы Үкіметінің "Білім беру" бағыты бойынша өзгерістерді басқару бойынша салалық менеджерлерді даярлау жөніндегі "Ел Үміті"бағдарламасына қатысады.