Франциядағы биліктегі өзгеріс

Франция президенті Эммануэль Макронның шешімімен Франция Министрлер кабинетінің бір бөлігі ауысты, деп хабарлайды KazFace.kz

21 шілдеде Францияда жаңа министрлер кабинеті жұмысын бастады. 

Үкіметтің ауысатыны бір күн бұрын жарияланған еді. Дегенмен министрлер негізгі қызметтерін сақтап қалды. Олар: қаржы, ішкі істер, сыртқы істер, қорғаныс, әділет және еңбек министрліктерінің басшылары. 

Сыншылар президент Эммануэль Макрон мен премьер-министр Элизабет Борнды азаматтық қоғам өкілдерінің барлығын дерлік қызметінен босатып, олардың орнына саяси құрылым өкілдерін қойды деп айыптады.

Үкіметке барлығы сегіз жаңа министр мен хатшы келді. Макрон алғашқы кездесуін өткізіп үлгерді. Басқосуда шілде айының басында полиция көлігін тінту кезінде 17 жастағы жасөспірім оққа ұшқаннан кейін елді шарпыған тәртіпсіздікке "жауап беру" қажет екені айтылды.