FlyArystan жолаушылары шу шығарды

Әлеуметтік желіде FlyArystan жолаушыларының наразылық білдіріп, әуежайда шу шығарған видеосы кең тарады, деп хабарлайды KazFace.kz. 

Куәгерлердің айтуынша, оқиға Астана әуежайында 25 ақпан күні орын алған.  Астана-Шымкент бағыты бойынша рейіс белгіленген уақытта ұшпай, 10 сағатқа дейін шегерілген. Тіпті, кейін мүлдем тоқтатылған. 

Ал, жолаушылардың наразылық білдіру себебі, комитет ауа-райына байланысты рейстің тоқтағанын мәлімдесе де, басқа авиакомпаниялардың ұшақтары жарты сағаттан кейін ұшып кеткен. FlyArystan қызметіне көңілі толмағандар құзырлы органдарға шағымданған. 

Осыған байланысты Азаматтық авиация комитеті пікір білдірді.

«Астана – Шымкент КС-7307 рейсі «айрбас-А320» әуе кемесімен ұшу сағат 05.40-қа жоспарланған болатын. Ауа райының қолайсыздығына байланысты  рейстің ұшуы кейінге қалдырылған. Азаматтық авиация комитеті мен Қазақстанның авиациялық әкімшілігі қосымша тексеру жүргізеді, авиакомпания тарапынан заң бұзушылық  анықталған жағдайда тиісті шаралар қабылданады», – деп хабарлады Азаматтық авиация комитеті.

 Сонымен қатар, барлық өтініш білдіргендерге билеттер құнын толық қайтарылатынын жеткізді.