eGov Mobile қосымшасында уақыт белдеуіне қатысты сауалнама пайда болды

eGov mobile қосымшасында уақыт белдеуін ауыстыруға қатысты сауалнама жарияланды. Сауалнама 5 сұрақтан тұрады, деп хабарлайды KazFace.kz

eGov mobile қосымшасының «Сауалнамалар» бөліміне 21 қарашада жаңа сауалнама орналастырылды. Ол жерде қазақстандықтардың уақыт белдеуін өзгертуге қатысты пікірлерін білу үшін  келесі сұрақтар дайындалған. 

1. Күндізгі уақытта не нәрсеге көп уақытыңыз жетіспейді?
2. Күніңіздің қай бөлігін ең өнімді деп санайсыз?
3. Қаламызда кафелер мен фитнес орталықтарын ертерек ашу идеясына қалай қарайсыз? Бұл сіздің күніңізді жайлы ете ме?
4. Қазіргі қолданыстағы уақыт өлшеміне қатысты ойыңыз қандай?
5. Сізге қай уақыт белдеуі оңтайлы?

Жауапта бұрынғы уақыт белдеуіне оралу нұсқасы да бар.

Еске сала кетсек, 2024 жылдың 1 наурызында Қазақстан бірыңғай уақыт белдеуіне көшіп, уақытты бір сағатқа кері жылжытты. Үкіметтің бұл шешіміне қарсылық білдірген қазақстандықтар көп ұзамай петиция жариялап, оған 60 мыңнан астам адам қол қойды. Бұдан соң, петиция үкімет қарауына өтті.