Қазақстан Республикасының премьер-Министрінің бірінші орынбасары Роман Скляр 24-ші Боаос Азиаттық Форумына қатысып, Қытай Халық Республикасының Вице-Премьер-министрі Дин Сюэсянмен кездесті, деп хабарлайды Kazface.kz.
Кездесу барысында Қазақстан мен Қытай арасындағы стратегиялық серіктестікті нығайту және сауда-экономикалық, инвестициялық байланыстарды одан әрі дамыту мәселелері талқыланды.
Роман Скляр Форумда Азия елдері арасында көлік-логистикалық ынтымақтастықты нығайту, сауда кедергілерін азайту және жаңа көлік маршруттарын қалыптастыруды ұсынды.
Ол цифрлық технологиялар мен жасанды интеллектіні қолдану арқылы жеткізу тізбектерін жақсарту қажеттігін атап өтті.
Сондай-ақ, Роман Скляр Қытайлық әріптесін Қазақстанға ресми сапармен шақырып, екі ел арасындағы тығыз қарым-қатынасты одан әрі дамытуға дайын екенін мәлімдеді.
