Астанада өрт шықты

Астана маңында өрт тұтанып, қала көк түтінге оранды, деп хабарлайды KazFace.kz.

Қалалық Төтенше жағдайлар департаментінің мәліметінше, Астана маңындағы тас жолдардың бірінде қураған ағаш өртенген. 

Бүгін сағат 09:12-де Қорғалжын тас жолы мен Қосшы қаласына қарай айналма жолдың арасында қураған ағаш жанып, өрт тұрғаны туралы хабарлама келіп түсті. Қазіргі уақытта жеке құрамның 140 маманы мен 21 техника, әкімдіктің 8 суару машинасы мен "Астана орманның" 10 техникасы жұмылдырылған, - деді қалалық ТЖД.

Өрт сөндірушілер алдын ала болжам бойынша 15 гектар аумақты сөндіріп жатыр. Олардың жұмыстарын қатты екпінді жел қиындатуда.