Алматыда түрмеге тыйым салынған заттарды өткізген екі қызметкер сотталды

Алматы облысы прокуратурасының мәліметінше, Қонаевта қылмыстық-атқару жүйесінің екі экс-қызметкеріне қатысты сот үкімі шығарылды, деп хабарлайды KazFace.kz.

№57 түзету мекемесінің бұрынғы бастығы мен №12 түзету мекемесінің оперативтік бөлімінің бұрынғы бастығы сот алдында жауап берді. Оларға пара алды деген айып тағылып отыр.

"Арнайы прокурорлар сотталушылардың жазаларын өтеу кезінде патронаттық пара алғанын, сондай – ақ сотталғандар үшін тыйым салынған заттарды мекемелерге кедергісіз және бірнеше рет әкелгені үшін пара алғанын анықтады", - деді қадағалау органы.

Түзету мекемесінің бұрынғы бастығы 9 жылға бас бостандығынан айырылса, екінші айыпталушы 3 жылға сотталды. Екі сотталушы да жалпы режимдегі колонияда жазаларын өтейді.