Қоғам
18-го июня 2024 г. 22:24
Алматыда әйелдер таксиі пайда болды
Балауса ЖАҚСЫБАЙ
Алматылық қыздар такси жүргізушілері тарапынан кездесетін харассмент туралы бөлісті, деп хабарлайды Kazface.kz ақпараттық сайты.
Жаңа адамдардың жастар қозғалысы «Тұмар» азаматтық науқаны Алматы көшелеріне өзінің қауіпсіз әйелдер таксиін шығарды. Онда жолаушылар жоспарлаған жеріне жетіп қана қоймай, такси жүргізушілері тарапынан харассмент туралы бастан өткерген жеке жағдайларын да айта алады.Бұл жөнінде, әрбір қазақстандық қыздың айтары бар. Тұмар белсенділері Алматылық қыздар арасында харассментке қатысты сауалнама өткізген. Нәтижиесінде 300 қыздың 67%-дан астамы таксимен жүру кезінде харассментке ұшырағаны анықталыпты.
«Тұмар» азаматтық командасының лидері нәзік жандылар такси шақырып, алаңсыз жоспарлаған жеріне жете алмайтытын айтты.
Зорлау фактілері де жиілеп кетті. Ерлер жазасыз қалуға үйреніп, қорқуды қойды. Өйткені, көптеген қыздар харассментке қалай дұрыс жауап беру керектігін білмейді, сол себепті олар сапардың соңына дейін үндемей қалуды жөн көреді, ал кейін олар қорқынышты түс секілді бұл туралы естен шығаруға тырысады. Өз құқығыңызды қорғаудан ұялмаңыз немесе қорықпаңыз. Сіздің жеке шекараңызды бұзатын адам ұялуы керек, - дейді «Тұмар» белсенділері.
Әйел адамға қарапайым таксимен жүру қауіп төндірмеуі керек. «Тұмар» таксиде харассментке тап болған барлық қыздарды жедел түрде тасымалдаушы компанияға, сондай-ақ құқық қорғау органдарына хабарлауға шақырады.