Алматы марафонында екі қатысушы көз жұмды

Алматыда 20 сәуір күні өткен жартылай марафон кезінде екі қатысушы көз жұмды. Екеуі де 21,1 шақырымдық қашықтықты еңсермек болған,-деп хабарлайды Kazface.kz

Белгілі болғандай  қатысушылар  84 жастағы Аққоян Рсалиев пен 21 жастағы Нұрбол Ахмади.

Аққоян Рсалиев 1-шақырымда өзін жайсыз сезініп, есінен танып қалған. Жедел жәрдем дереу жеткенімен, пульсі болмаған. Дәрігерлердің алдын ала болжамы – өкпе артериясының тромбоэмболиясы.

Нұрбол Ахмади 16-шақырымда есінен танып, құлаған. Оқиға орнына жеткен дәрігерлер реанимация шараларын жасаса да, оның өмірін сақтап қалу мүмкін болмады. Алдын ала диагноз – өкпе артериясының тромбоэмболиясы мен жүрек жетіспеушілігі.

Ұйымдастырушылар марқұмдардың туыстарына материалдық көмек көрсететінін мәлімдеді. Ресми қорытынды сот-медициналық сараптамадан кейін белгілі болады.