Әлем рейтингінде қазақстандық паспорт нешінші орында?

Қазақстандық паспорт әлем рейтингінде 53-ші орынға табан тіреді, деп хабарлайды KazFace.kz. 

Аталған рейтингке БҰҰ-на мүше 193 ел мен 6 аумақ қатысты. 

Қазақстандық паспорты бар азаматтар үшін визасыз 39 елге бару мүмкіндігі қарастырылған. Сондай-ақ 52 елде визаны келгеннен кейін рәсімдеуге болады. Ал қалған 107 мемлекетте қатаң түрде виза талап етіледі. 

Айта кетейік, Қазақстан паспорты бұл орынды Тынық мұхитының аралында орналасқан Науру мемлекетімен бөлісіп отыр.

Сарапшылардың қортындысы бойынша бірінші орын БАӘ тиесілі. Олар әлемнің 125 еліне визасыз барып, 55 елінде визаны келгеннен кейін рәсімдей алады. Тек 18 елде виза сұралады. 

Рейтінгтің ең төменгі сатысында Ауғаныстан мемлекеті орналасқан. Ол елдің азаматтары тек 5 елге визасыз бара алады. 

ТМД елдері арасында Қазақстан паспорты Армения, Әзербайжан, Қырғызстан, Өзбекстан, Тәжікстан және Түрікменстан мемлекеттерінен көш бастап тұр.