3 жастағы қазақ қызы ағылшын тілінде еркін сөйлейді (Видео)

Әлеуметтік желіде  ағылшын тілінде сайрап отырған бүлдіршіннің видеосы кең тарады. 

Оның бейнежазбасын ғаламторға  Асылжан Асылханова есімді қолданушы жариялаған. Автордың айтуынша, видеодағы ақылды қыз оның сіңілісі.

3 жастағы бүлдіршін ағылшынша еркін сөйлеп ғана қоймай, кітапты да емін-еркін оқиды. 

Видеода дарынды бүлдіршіннің ағылшынша әңгіме айтып, жанындағы бауырына әлденені түсіндіріп отырғанын көруге болады. Кейін балақай 1-ден 10-ға дейін өзге тілде еш жаңылмастан санай жөнеледі.

Желі қолданушылары кішкентай қыздың ерекше дарынына тәнті. Кейбір ересектердің өзі бұл балақай секілді шет тілін меңгере алмағандығын жеткізді.