Рим Папасы Лев XIV-тің инаугурациясы өтуде

Бүгін Ватиканда Рим Папасы Лев XIV-тің салтанатты таққа отыру рәсімі – инаугурациясы өтіп жатыр, деп хабарлайды KazFace.kz.

Бұл оқиғаны атап өту үшін Әулие Петр алаңына 200 мыңнан астам сенуші жиналған. Жаңа понтификті құттықтау үшін салтанатқа әлемдік саясат сахнасының ірі тұлғалары келді. Олардың қатарында АҚШ вице-президенті Джей Ди Вэнс, мемлекеттік хатшы Марко Рубио, Еуропалық комиссия төрайымы Урсула фон дер Ляйен, Италия премьер-министрі Джорджа Мелони, Испания королі Фелипе VI, Бельгия королі Филипп және Украина президенті Владимир Зеленский бар.

Инаугурациялық месса дәстүрлі түрде өтуде, бұл шараны бүкіл әлем католиктері ерекше ықыласпен бақылап отыр. Жаңа Папаның миссиясы – бейбітшілік пен әділеттілікке үндейтін Рим шіркеуінің жаһандық жолын жалғастыру.