Қазақстанның бірінші ракеткасы Елена Рыбакина жаңа маусымды жеңіспен бастады

Аделаидадағы турнирдің келесі кезеңіне өту үшін Рыбакинаға 14 эйс жеткілікті болды.

Әлемдік рейтингте 21-ші орында тұрған Рыбакина Австралияның Аделаида қаласында өткен WTA 500 турнирінде әлемнің 14-ші ракеткасы, АҚШ теннисшісі Даниэль Коллиндздің алдын орады.

Рыбакина үш сетте жеңіске жетті - 5:7, 6:2, 6:3. Жеке кездесулердегі есеп тең болды-1: 1. 

Осылайша қазақстандық спортшы келесі айналымға өтті. Енді 4 қаңтарда әлемдік рейтингте 69-шы орында тұрған украиналық Марта Костюкпен кездеседі.