Ұлттық киім киген қазақстандықтар жаңа Гиннес рекордын орнатты

Қазақстандықтар жаңа Гиннес рекордын орнатты. Каспий теңізінің жағалауында ұлттық киім киген қалың жұрт жиналды,- деп хабарлайды KazFace.kz.

Ақтау алаңында 5 мыңнан астам ұлттық киім киген адамдар жиналды. Осылайша “Ең көп  ұлттық киім киген адамдар" номинациясы бойынша Гиннес рекордын жаңартуға ұмтылды.

Ақтауда ауа райы таңғы уақытта бұлтты және жаңбырлы болса да , бұл мыңдаған тұрғындардың бірігіп, алаңда халықтық той-думан жасауына кедергі болмады.

Гиннес рекордының фиксациясы үшін арнайы комиссия Лондоннан штаб-пәтерінен келді.

Маңғыстау облысының баспасөз қызметінің мәліметі бойынша, Best Fest Nauryz іс-шарасына 5500-ден астам адам тіркелген, олардың арасында әртүрлі салалардың қызметкерлері, этникалық топтар, қарт адамдар, сондай-ақ алыстан келген ауыл тұрғындары мен басқа өңірлерден келген қазақстандықтар да бар.

«Бірнеше сағатқа созылған санақтың нәтижелері бойынша барлық талаптардың орындалғаны расталды, және арнайы сертификат берілді, бұл Қазақстанның жаңа әлемдік рекордының иегері болғанын растайды. Осылайша, қазақ ұлттық киімі Гиннес рекордар кітабына енді», - деп мәлімдеді әкімдік.

Маңғыстау облысының әкімі Нұрдаулет Қилыбай рекордқа қатысушыларға және Лондоннан арнайы келген Гиннес рекордар кітабының өкілдеріне алғыс айтты.