Lancaster Group акционерлері – Берік Қаниев, Гаухар Қаппарова және Юрий Пак қазақ тілін дамытуға арналған Qazaq Tili Endowment қорына 200 млн теңге аударды, деп хабарлайды KazFace.kz.
Бұл – мемлекеттік тілді қолдауға бағытталған ең ірі демеушілік үлестердің бірі. Qazaq Tili Endowment қоры 2023 жылы «Қазақ тілі» қоғамының тұрақты дамуын қамтамасыз ету мақсатында құрылды. Оның ерекшелігі – жиналған қаражат жұмсалмай, тек инвестициялық табысы ғана мемлекеттік тілді дамытуға бағытталады.
2024 жылы қордың үстеме табысы 75 млн теңгеге жетіп, 40-тан астам жоба іске асырылды. Олардың қатарында Oxford Qazaq Dictionary құру, Disney, Pixar және Sony студияларының фильмдерін қазақша дубляждау, балалар мен іскерлік әдебиетті аудару сияқты бастамалар бар.
Айта кету керек, Lancaster Group – Қазақстандағы ірі халықаралық холдингтердің бірі. Компания өнеркәсіп, мұнай-газ, фармацевтика, логистика және білім беру салаларында жұмыс істейді.
